विश्वभर महामारीको रूपमा फैलिएको कोरोना भाइरस (कोभिड १९) को सबैभन्दा बढी प्रभावित भने संयुक्तराज्य अमेरिकामा पाँच महिनापछि पहिलो पटक कोरोना संक्रमितको संख्या दैनिक ४० हजारभन्दा कम पाइएको छ ।

खोप अभियान तिब्र बनाइएको अमेरिकामा अर्को चरणको संक्रमण फैलिने आशंका भइरहेको अवस्थामा नयाँ विवरणले अमेरिकी अधिकारीहरुलाई खुशी मिलेको छ । लकडाउन र प्रतिबन्धबाट आम जनताको दैनिकी र देशकै अर्थतन्त्रमा नकारात्मक असर परिरहेको अवस्थामा पछिल्लो विवरण सार्वजनिक भएको हो ।

अमेरिकामा दैनिक संक्रमितको संख्या यसै वर्षको जनवरी महिनाका सुरुवाती दिनहरुमा दैनिक तीन लाखसम्म पुगेको थियो । दैनिक संक्रमितको संख्यामा कमी र खोपको प्रयोग बढेसँगै अमेरिकाका धेरै राज्यले अनिवार्य मास्क लगाउने नियम हटाइदिएका छन् । तर राष्ट्रपति जो बाइडेनले यो सोचाई पुरातनपन्थी रहेको भन्दै आलोचना गरेका छन् ।

राष्ट्रपति बाइडेनले आफ्नो १०० दिने कार्यकालमा १० करोड मानिसलाई खोप लगाइसक्ने घोषणा गर्नु भएको थियो ।