दोश्रो कोभिड १९ को नयाँ भेरियन्सको जोखिम बढ्दै गएपछि रतुवामाई नगरपालिकाले झुर्कियामा रहेको नगर अस्पतालमा नगर प्रमुख रविन राईको सक्रियतामा थप १५ जना विरामीलाई राख्ने व्यवस्था गरिएको छ । यस अघि मात्र १५ बेडको अईसोलेसन कोभिड अस्पताल बनाईएको थियो । पछिल्लो समय रतुवामाई नगरपालिकामा पनि कोभिड संक्रमित बढ्दै गएकोले उक्त अस्पतालमा अक्सिजन सहितको सेवाको व्यवस्था गरिएको हो ।
सो अस्पतालमा हाल एक जना डाक्टरसहित ५ जना नर्स र ७ जना स्वास्थ्यकर्मी रहेका छन् । आगामी शनिवारदेखी थप एक जना डाक्टरसहित अन्य स्वास्थ्यकर्मी पनि थप गरि ब्यबस्थापनमा जोड दिने नगर प्रमुख राईले बताउनु भएको छ । सो अस्पतालमा उपचार हुन नसके नगरपालिकाकै एम्बुलेन्स मार्फत नि स् शुल्क रुपमा अन्य अस्पताल लैजाने व्यवस्था पनि नगरपालिकाले गरेको छ ।
नगरपालिकाले हाल दुई वटा एम्बुलेन्स सेवा संचालनमा ल्याएको छ, भने आकाश्मिक सेवाको रुपमा नगरपालिकाका प्रमुख रविन राई, उपप्रमुख र प्रशासकिय अधिकृतको सवारी साधनलाई तयारी अवस्थामा राखिएको छ ।
अनिवार्य रुपमा माक्सको प्रयोग गर्ने,अनावश्यक रुपमा हिडडुल नगर्ने र घरमै सुरक्षित रुपमा बसि कोभिड बाट आफु पनि बच्न र अरुलाई पनी बचाउन नगरप्रमुख राईले अपिल गर्नु भएको छ ।