भद्रपुर (झापा), १६ भदौः  बिर्तामोड नगरपालिका–८ नं वडाले भोटेकोशी बाढीपीडित नागरिकको राहत, उद्धार तथा पुनस्र्थापनाका लागि प्रधानमन्त्री दैवी प्रकोप उद्धार कोषमा रु एक लाख सहयोग गरेको छ । 

वडा कार्यालयले आव २०८३÷८४ को वार्षिक योजना तथा कार्यक्रमअन्तर्गत तीज, दधिकाद र सोहराय लगायतका पर्व तथा संस्कृति शीर्षकमा विनियोजित बजेटबाट उक्त रकम सहयोग गरेको वडाध्यक्ष अजय कार्कीले जानकारी दिनुभयो ।