भारत गहुँ उत्पादनको दोस्रो ठूलो मुलुक हो । मार्च महिनामा अत्यधिक गर्मी भएपछि गहुँ उत्पादनमा असर परेको थियो । 

उत्पादन घटेपछि भारतीय अधिकारीहरूले आफ्नै देशका १.४ अर्ब मानिसको खाद्य सुरक्षा जोखिममा परेको भन्दै चिन्ता व्यक्त गरेका छन् । 

मे १३ भन्दा अगाडि गरिएका निर्यात सम्झौता पालन गरिने तर त्यसपछिका निर्यातका लागि सरकारको स्वीकृति आवश्यक हुने नयाँ दिल्लीले जनाएको छ । 

भारतले निर्यात प्रतिबन्ध लगाएपछि जी७ मुलुकहरूले त्यसको कठोर आलोचना गरेका छन् । खाद्यवस्तुको मूल्य बढेर आएको संकटलाई यसले थप बिगार्ने उनीहरूको भनाइ छ । 

रुस र युक्रेनबीचको द्वन्द्वले गहुँको मूल्य बढाउन योगदान गरेको हो । यी दुई देशले विश्वभरि गरिने गहुँ निर्यातको ३० प्रतिशत भाग ओगटेका छन् । विश्वभरि भयावह खाद्य संकट आउने त्रास बढेको छ ।